Um alle Inhalte sehen zu können, benötigen Sie den aktuellen Adobe Flash Player.

start wo nami / über uns sekretariat / Sekretariat biblioteka / Bibliothek rěč / Sprache "čorna tafla" / "Schwarzes Brett" wo našich šulerjach stawizny šule stawizny šule 2 Geschichte der Schule Geschichte der Schule 2 šulska nowina 1 šulska nowina 2 šulska nowina 3 Schulzeitung 1 Schulzeitung 2 Schulzeitung 3 šulerjo pisaja/ Schülerarbeiten šulerjo pisaja 2 šulerjo pisaja 3 impresije / Impressionen Dźeń wotewrjenych duri Akcija "Lipjo" "Warimy z Tomašom" pućowanski dźeń 6 póstnicy 2017 sportujemy  hodowny projekt "Do swěta my pojědźemy" Wuměna z Mělnikom 2016 sněhakowarske lěhwo 2017 cdp / GTA domowy porjad Hausordnung protyka / Kalender UNESCO Projekt Anerkennung Weltkulturerbe Kriterien für die Anerkennung Beispiele materielles Erbe immaterielles Erbe Sorben als Welterbe Schülermeinungen zum Thema Schülermeinungen zum Thema kontakt 

stawizny šule

Claudia WinarjowaKamuški stawiznow Ralbičanskeje šuleHdyž jako wučerka na Ralbičanskej šuli nastupich, mje w prěnim rjedźe šula, wučba w njej,šulske wobstejnosće a wobstejnosće a wosebje małe pohladnjenje do stawiznow Ralbičanskeje šule zajimowaše. Korjenje swojeje šule zeznać, za mnje cyłu atmosferu pozběhny.Šulskej twarjeni z. l. 1685 do 1845 do 1945Wědźach, zo bě najstarša znata wjesna šula we Wólniku. Tam mjenujcy Hendrich z Duba w lěće 1437 wučerjej lětneje tři wozy drjewa ze swojeje hole za zwónkowsku słužbu připokaza. Chrósćanska šula nasta w samsnym času, snadź hišće prjedy, dokelž je Chrósćanska cyrkej w lěće 1225 prěni króć stawiznisce naspomjena, prěni wučer w lěće 1482. Stawizny Ralbičanskeho šulskeho twarjenja sahaja wróćo hač do lěta 1586. W lěće 1685 natwarichu w Ralbicach wosebitu drjewjanu šulu, w kotrež hač do lěta 1845 wučachu. Nowa, masiwnje z cyhelow natwarjena šula nasta w lěće 1885 wosrjedź wsy, kotraž so w druhej swětowej wójnje chětro wobškodźi. Dźensa wužiwa so twarjenje za technisku wučbu našeje srjedźneje šule.Šulu z lěta 1685 kupi gmejna w lěće 1845. Wona słužeše jako wobydlenje za chudych. Tuta steješe tehdy w bliskosći noweje natwarjenje šule.W lěće 1896 předa jón gmjena zaso za 1200,-hr. do Drježdźan. Tam so wona postaji na prěnjej sakskej ludowědnej wustajeńcy wudźěła so z njeje model, kiž steji w Budyskim muzeju.

K stawiznam Serbskeje wyšeje šule (Swš) RalbicyStawizny Ralbičan šule sahaja daloko wróćo do lěta 1685. Tehdy natwari so mjenujcy prěnje šulske twarjenje w mjenowanej wjesce. Twar bě jednory, z drjewa a słomjanej třěchu. Dźěći z wokoliny wuknychu w tutym dwuposchodowym tykowanym domje čitać, pisać a ličić, předewšěm pak nawuknychu tu tež němsku rěč. Po času sta so němska rěč z wučbnej rěču.Nowe, masiwnje z cyhelow natwarjene šulske twarjenje nasta w lěće 1885 wosrjedź wsy. W tutej wjesnej šuli wučachu so šulerjo prěnjeho do štwórteho resp. pjateho do wosmeho lětnika zhromadnje. Tuta šula so w druhej swětowej wójnje chětro wobškodźi. Po znowanatwarjenju šule přez wobydlerjow gmejny Ralbicy kaž tež po wospjetnym saněrowanju wuknychu w tutym twarjenju do šulskeho lěta 2001/02 jenož hišće zakładni šulerjo. Dźensa wužiwa so twarjenje, kiž so wot wučerjow a šulerjow "Stara šula" mjenuje, za technisku wučbu srjedźneje šule.Šulske twarjenje z lěta 1685, kotrež steješe tehdy w bliskosći noweje natwarjeneje šule, kupi gmejna w lěće 1845. Za 1200,-hr. předa wona ju w lěće 1896 dale do Drježdźan. Hišće w samsnym lěće bu twarjenje wottwarjene a na sakskej ludowědnej wustajeńcy jako přikład staroserbskeho twarstwa zaso postajene. Dźensa móže so model tuteje jónkrótneje šule, kotryž so po skónčenju mjenowaneje wustajeńcy wudźěła, w Serbskim muzeju w Budyšinje wobdźiwać.Serbska wyša šula Ralbicy dźensaW septembrje lěta 1974 dotwari so skónčnje twarjenje dźensnišeje Ralbičan šule, kotrež so zhromadnje wot wyšeje kaž tež zakładneje šule wužiwa. Z lěta 1975 so w tutej šuli wuči. Tež jědźernja a sportowa hala, kiž je do šulskeho twara sobu integrowana, so wot wobeju šulow zhromadnje wužiwatej. W lěće 2014 bu naša srjedźna šula wobšěrnje saněrowana.Z lěta 1984 liči SSŠ Ralbicy jako UNESCO-projektna šula a je z tym jenička serbska UNESCO-projektna šula na swěće. UNESCO-dźěło na tutej šuli bazuje na třoch stopach. K tomu liča přećelske styki do Pólskeje a Čěskeje, ekologiske a přirodoškitne wusměrjenje wučby a zwonkašulskich zaběrow kaž tež pěstowanje serbskeje rěče a kultury, při čimž so posledni mjenowany fakt jako hłowny směr skutkowanja wobhladuje. Tohodla je tež samozrozumliwje, zo wužiwa so na šuli serbšćina jako wobchadna rěč.



Serbska wyša šula Ralbicy

Sorbische Oberschule Ralbitz